தற்கால பொருளாதார நெருக்கடியில் மிகவும் பாதிப்பிற்குள்ளான காத்திருப்பு பட்டியலில் உள்ள சிரேஸ்ட பிரஜைகளில் ,CAMID, YMCA,PPPC ஆகிய நிறுவனங்கள் இணைந்து CBM அரச சார்பற்ற நிறுவனத்தின் நிதி அனுசரணையுடன் 281 பயனாளிகள் தெரிவு செய்யப்பட்டனர். இதில் முதல் கட்டமாக 15 சிரேஸ்ட பிரஜைகளுக்கான ரூபா.5000 பெறுமதியான காசுக் கட்டளை பிரதேச செயலாளர் வ.வாசுதேவன் தலைமையில் 22.03.2023 பிரதேச செயலகத்தில் வழங்கி வைக்கப்பட்டது.
இதில் உதவி பிரதேச செயலாளர் திரு.எம்.ஆர்.ஷியாஹுல் ஹக், CAMID நிறுவன பணிப்பாளர் திரு.காண்டீபன், சமூக சேவை உத்தியோகத்தர் திரு.ப.ராஜ்மோகன், கிராம நிர்வாக உத்தியோகத்தர் கே.ராஜன், மாவட்ட முதியோர் உரிமைகள் மேம்பாட்டு உத்தியோகத்தர் திரு. ப.விஸ்வகோகிலன் மற்றும் பிரதேச செயலக முதியோர் உரிமைகள் மேம்பாட்டு உத்தியோகத்தர்களும் கலந்து கொண்டனர்.
